Book By Ernest Hemingway / ერნესტ ჰემინგუეის წიგნი
English Version / ინგლისური ვერსია: PDF file / PDF ფაილი: The Sun Also Rises
იმდენად ადვილი წასაკითხი იყო, რამდენადაც საინტერესო, ჩამწვდომი და დაუსრულებელი. დაუსრულებელი იმიტომ, რომ ვერც კი გავიგე როგორ “შემომეკითხა” და ძალიან ბედნიერი ვარ, რომ ამის გამო ემოციები დიდ ხანს გამყვება..
ზოგ რემარკისეულ აზრს კატეგორიულად არ ვეთანხმები, როგორიცაა მაგალითად ბევრი “ცხოვრება უაზროა”-ს შემცველი ფრაზა და დიალოგი. თუმცაღაა, ბევრს ვეთანხმები, ვიზიარებ და ზუსტად ისინი გამყვებიან დიიდი ხნის მანძილზე და მათი გადაკითხვის დროს დამიბრუნდება ემოციები, რომლებიც წიგნის კითხვის დროს მქონდა..
ზუსტად ამ ციტატებს ვუზიარებ ჩემს ბლოგსფეროს და მათითვე ვალამაზებ…:
***
- იასამანზე ვგიჟდები, – თქვა უკანასკნელმა რომანტიკოსმა, – იასამანი ჩემთვის იგივეა, რაც სამშობლოზე ფიქრი, მოწოლილი სევდა. ცხრაას ოცდაოთხის გაზაფხულზე გადარეულივით ავიწყვიტე და რიო-დე-ჟანეიროდან იასამანი უნდა აყვავებულიყო. მაგრამ მე, რასაკვირველია, დავაგვიანე… – მან გაიცინა, – ყოველთვის ასე მემართება.
***
ძნელია სიტყვები მონახო. როცა ჭეშმარიტად რაიმე გაქვს სათქმელი. მაშინაც კი, როცა საჭირო სიტყვები ენაზე გადგას, მათი წარმოთქმის კი გრცხვენია. ყველა ეს სიტყვა წარსულს ეკუთვნის. ჩვენს დროში გრძნობათა გამომხატველი სიტყვები ჯერაც ვერ იპოვნეს. გრძნობა კი მხოლოდ თავდავიწყებაა, ყველა დანარჩენი ხელოვნურია.
***
მან ღიმილით შემომხედა. ის თითქმის არასდროს მპასუხობდა, როცა მე ამგვარ რამეს ვეუბნებოდი. მართალი გითხრათ, სანაცვლოდ გულის გადაშლას არც ველოდი. ასეთი რამ არც კი მეამებოდა. ვფიქრობდი, რომ ქალი არაფერს უნდა ეუბნებოდეს მამაკაცს იმაზე, რომ იგი უყვარს. ეს დაე, მისმა გაბრწყინებულმა, ბედნიერმა თვალებმა თქვან.
***
ჯერ კიდევ ომამდე ვიცოდი: დიდი და მნიშვნელოვანი რამ ჩვენ ვერ დაგვამშვიდებს… ყოველთვის წვრილმანი, უბრალო რამ გვამხნევებს…
***
მან ისევ სცადა გაღიმება. – მაინც რა არის მხნეობა, რობი?
- ის, რომ ბედს არ ნებდები, – თავზე ხელი გადავუსვი, – სანამ ადამიანი ბედს არ ნებდება, ის თავის ბედზე უფრო ძლიერია.
***
პატმა ისე ფრთხილად და სათუთად მაკოცა, თითქოს რაღაც ძვირფასი ნივთის გატეხვის ეშინიაო. მისი ტუჩები რომ შევიგრძენი, ერთიანად ავკანკალდი. ეს ყოველივე ისე სწრაფად მოხდა, რომ გონს მოსვლა ვერც მოვასწარი; აქაურობას ჯერაც ვერ შევგუებოდი, ყურებში ისევ ძრავის გუგუნი მესმოდა. ასეთი გრძნობა მაშინ ეუფლება ადამიანს, როცა სიცივესა და წყვდიადიდან მოულოდნელად თბილ ოთახში მოხვდება, – კანით და თვალებით შეიგრძნობს სითბოს, მაგრამ ჯერ კიდევ ვერ გამთბარა…
***
- რობი! – ის მომიახლოვდა და მომეხვია, – იცი, რამდენი რამ მქონდა შენთვის სათქმელი?
- მეც ასევე, პატ. ახლა უკვე ბევრი დრო გვექნება. ერთად ვიქნებით, გულის ნადებს გავუზიარებთ ერთმანეთს. ხვალ იყოს. უცებ არაფერი გამოდის.
მან თავი დამიქნია.
- როცა ერთმანეთს ყველაფერს ვეტყვით, მაშინ მთელი ის დრო, რაც უერთმანეთოდ ვიყავით, განშორებად აღარ ჩაითვლება, – თქვა და გამიღიმა.
დღეს პირველი დღეა, რაც ბიბლიოთეკაში ამოგვიყვანეს.. დაღლით არ დავღლილვარ, მაგრამ ცხელა და ჩახუთულობაა.. კარგია ამდენს, რომ ავდი-ჩამოვდივართ და დავდივართ, თან წიგნებით ხელში… ხომ იცით როგორ მიყვარს წიგნები.. <3
მზემ სინათლის სხივთან ერთად შემომიღო ფანჯარა და დიდხანს მიყურებდა. უნდოდა ჩემთვის თავისი თბილი ხელები მოეხვია, მაგრად მოეხვია, რომ მისი სიახლოვე მეგრძნო, მისი სითბოთი გავმთბარიყავი და მისი სიხარული გამეზიარებინა..
ვერ გაბედა, გადაიფიქრა და ჩემი ცივი გამოხედვასავით ცივ სამყაროში თავისი სითბოს გარეშე დამტოვა, იმ დღეს..
თეატრალურმა, ალბათ მართლაც ბევრი დაკარგა ჩემი და მარის სახით…
მგონი მარტო მე მცივა ორმოც გრადუსიან სიცხეში, ამ ზაფხულს და მხოლოდ ამ ზაფხულს ვნატრობ მზემ სხვა ყველა დანარჩენზე მეტად გამათბოს..
“ლაპარაკის სწავლას ორი წელი უნდა, დუმილის სწავლას – ორმოცდაათი”, მგონი ამდენი ხანი არ დამჭირვებია..
მე იმ დღეს გამიხარდება, როდესაც მზე ჩემს დუმილს გაიგებს და მსოფლიოში ყველაზე უნიჭო მსახიობს მიწოდებს…
Book by Virginia Woolf / ვირჯინია ვულფის წიგნი
English Version / ინგლისური ვერსია: PDF file / PDF ფაილი: Mrs. Dalloway
Book By John Green / ჯონ გრინის წიგნი
English Version / ინგლისური ვერსია: PDF file / PDF ფაილი: Looking For Alaska
